Ya Allah! Ka nuna min, a cikinsa, hanyar isa ga yardarka, Kada ba wa Shaidan, a cikinsa, daman cin nasara a kaina, Ka sanya aljanna ta kasance makoma da kuma abin huta gare ni, Ya Mai biyan bukatun masu bukata.

Ya Allah! Ka bude min, a cikinsa, kofofin falalolinKa, Ka saukar min, a cikinsa, da albarkokinKa, Ka taimakamin, a cikinsa, zuwa ga tafarkin yardarKa, Ka zaunar da ni, a cikinsa, cikin aljannarKa, Ya Mai amsar kiran mabukaci (wanda ke cikin damuwa).

Ya Allah! Ka wanke ni, a cikinsa, daga zunubai, Ka tsarkakeni, a cikinsa, daga aibi (nakasa), Ka gwada zuciyata, a cikinsa, da takawar zukata, Ya Mai rufe ido kan zunuban masu zunubi.

Ya Allah! Ina rokonKa, a cikinsa, da abin yardarKa, sannan kuma ina neman tsarinKa, a cikinsa, daga abin da ke sanya Ka fushi, Kuma ina rokonKa, a cikinsa, samun nasarar yi maka biyayya kana kuma kada in saba maka, Ya karimi ga masu bukata.

Ya Allah! Ka sanya ni, a cikinsa, mai kaunar waliyanKa mai adawa da abokan gabanKa, mai bin sunnar AnnabinKa na karshe, Ya mai shiryar da zukatan Annabawa.